Maqedonia vazhdon të jetë temë në mediat greke. “Kathimerini” edhe sot ka shkruar për problemet e brendshme politike në Greqi dhe Maqedoni, pritjet e Athinës nga Shkupi, për mundësitë e zgjidhjes, për presionet ndërkombëtare, por edhe për komunikimin mes dy shteteve gjatë gjashtë muajve të kaluar.

“Kathimerini” sikurse “Elefteros Tipos” paralajmëron për rritjen e presionit ndërkombëtar, përcjell Telegrafi Maqedoni.

Në lidhje me marrëdhëniet dypalëshe mes Maqedonisë dhe Greqisë gazeta shkruan se niveli i komunikimit mes dy vendeve në gjashtë muajt e fundit është në nivel të lartë dhe i drejtpërdrejtë.

“Kathimerini” përmend atë që tanimë një periudhë është thënë nga analistë dhe gazetarë grek se Athina sheh vullnet të mirë në retorikën e Qeverisë së re, por në të njëjtë kohë pret hapa konkret dhe praktik, si ndryshimi i emrit të aeroportit të Shkupit dhe autostradave që përmbajnë irredentizëm.

Në lidhje me mundësitë e zgjidhjes së çështjes së emrit, në analizë thuhet se emri i ri do ta përmbajë termin “Maqedonia”, por nuk dihet nëse do të jetë “Maqedonia e re”, “Maqedonia Veriore”, “Maqedonia e Lartë” ose siç shkruan “ndonjë propozim tjetër nga ndërmjetësuesi Nimtez”./Telegrafi/

The post “Komunikim i nivelit të lartë mes Athinës dhe Shkupit” appeared first on Telegrafi.

Source: New feed