Presidenti i Indonezisë, Joko Widodo u bëri thirrje vendeve të G-20 që të ndihmojnë vendet e varfra në luftën kundër koronavirusit, transmeton Insajderi.

Në një fjalim nëpërmjet video-konferencës në hapjen e Samitit të Liderëve të G-20 e cila mbahet në organizim të Arabisë Saudite, Widodo u bëri thirrje liderëve të vendeve të G-20 që të mbështesin vendet me të ardhura të ulëta dhe të mesme në luftën kundër COVID-19.

Pa solidarizimin dhe mbështetjen e G-20, vendet me të ardhura të ulëta dhe të mesme krahas krizës shëndetësore do të kenë nevojë për një kohë më të gjatë që të shpëtojnë nga pauza ekonomike, raporton Anadolu Agency (AA).

Duke vënë theksin mbi fondin e situatës emergjente dhe mbështetjen me kredi për vendet nevojtare gjatë luftës ndaj pandemisë, Widodo tha se mbështetja financiare do të sigurojë kontribut edhe për furnizimin me vaksinën kundër COVID-19.

Ai bëri të ditur se mundësitë financiare më fleksibël që do të mbështesin fushat e ndryshme nga programet e sigurisë shoqërore e deri në konsumin e brendshëm do të gjallërojnë me shpejt ekonomitë e vendeve në fjalë. /Insajderi.com

 

The post Presidenti i Indonezisë bënë thirrje që vendet e G-20 të ndihmojnë vendet e varfëra appeared first on Gazeta Online INSAJDERI.

Source: New feed